"როგორც ჩანს საჭიროა კანონმდებლობის დახვეწა ამ მიმართულებით, რომ უფრო კონკრეტულად განისაზღვროს კრიტერიუმები შეწყალებასთან დაკავშირებით"- ამის შესახებ პარლამენტის თავმჯდომარემ არჩილ თალაკვაძემ, სკანდალური შეწყალებების საქმესთან დაკავშირებით განაცხადა.
"პარლამენტი მზად არის პრეზიდენტის ადმინისტრაციასთან ითანამშრომლოს. ჩვენ ჩვენი პოზიცია დავაფიქსირეთ ამ კონკრეტულ შეწყალებებთან დაკავშირებით, რომელიც ბოლოს განხორციელდა და როგორც გითხარით ჩვენთვისაც ახლა მთავარია კანონმდებლობა დაიხვეწოს და შეიცვალოს იმგვარად რომ მომავალში ასეთი ალბათობა აღარ იყოს შესაძლებელი."- განაცხადა არჩილ თალაკვაძემ.