თავისუფლების მოედნიდან რესპუბლიკის მოედნამდე ცოცხალი ჯაჭვი მოეწყო. მოქალაქეები "ვარდების რევოლუციიდან" 18 წლისთავს აღნიშნავენ.
ცოცხალი ჯაჭვი მიხეილ სააკაშვილის მხარდამჭერებმა და სამოქალაქო აქტივისტებმა გააკეთეს. მოქალაქეების ნაწილი ვარდების მოედნიდან, ნაწილი კი თავისუფლების მოედანთან შეიკრიბა, მსვლელობა გამართა და საბოლოოდ ცოცხალი ჯაჭვი შეკრა.
ორგანიზატორებს ადგილზე მიტანილი აქვთ წითელი ვარდები, ასევე საქართველოს და ევროკავშირის დროშები.
ისინი მიხეილ სააკაშვილის სახელს სკანდირებენ და მის გათავისუფლებას ითხოვენ.