პრემიერ-მინისტრი ირაკლი ღარიბაშვილი მმართველი გუნდის ნაწილის მხრიდან კრიტიკულ მედიასთან გამოთქმული ფაქტობრივი ბოიკოტირების რეჟიმის შესახებ კომენტარი გააკეთა. მან თქვა, რომ ტელევიზიები გარდაიქმნენ პარტიული ორგანიზაციების დანაყოფებად.
ირაკლი ღარიბაშვილმა თქვა, რომ ცალკეული მედია-საშუალებების მუშაობა გარკვეული ინტერესების გატარებისთვისაა ორგანიზებული
„ეს სიყალბე და ეს ძალადობა უნდა დაასრულოთ თქვენ. მე ველაპარაკები ამ შემთხვევაში იმ ადამიანებს, ვინც არიან თქვენი მმართველები. სამწუხაროდ, ტელევიზიები გარდაიქმნენ პარტიული ორგანიზაციების დანაყოფებად. მთელი ის სიყალბე, რაც ჩვენ ბოლო დღეების განმავლობაში ვიხილეთ, არის მხოლოდ და მხოლოდ ვიწრო პარტიული ინტერესების გატარებისთვის ორგანიზებული“, - განაცხადა ირაკლი ღარიბაშვილმა.