ცენტრალური საარჩევნო კომისია დღეს, 31 ოქტომბრის საპარლამენტო არჩევნების საბოლოო შედეგებს შეაჯამებს და შემაჯამებელ ოქმს გამოსცემს.
სხდომა ცენტრალური საარჩევნო კომისიაში 17:00 საათისთვის დაინიშნა.
ახალარჩეული პარლამენტის პირველი სხდომა პარლამენტის არჩევნების შედეგების ოფიციალურად გამოცხადებიდან არაუგვიანეს მე-10 დღისა უნდა ჩატარდეს. პირველ სხდომას პრეზიდენტი დანიშნავს.
გავრცელებული ინფორმაციით, პირველი სხდომის გამართვის სავარაუდო თარიღად 11 დეკემბერი განიხილება.