"საქართველო ევროპულ გზაზე უფრო კონკრეტული ნაბიჯების გადადგმისათვის მზად არის", - ამის შესახებ საქართველოს პრეზიდენტმა სალომე ზურაბიშვილმა საქართველოს ევროკავშირთან ასოცირების ხელშეკრულების 6 წლისთავთან დაკავშირებით განაცხადა. ის დღევანდელ თარიღს "ტვიტერზე" გამოეხმაურა.
„საქართველომ და ევროკავშირმა ასოცირების ხელშეკრულება ექვსი წლის წინ გააფორმეს. პროგრესისა და ერთმანეთთან დაახლოების წლებმა გვაჩვენა, რომ ევროპული ინტეგრაციის პროცესს ალტერნატივა არ აქვს. ახლა საქართველო ევროპულ გზაზე უფრო კონკრეტული ნაბიჯებისთვის მზად არის“, – წერს სალომე ზურაბიშვილი.