შვეიცარიის წყლის მეცნიერებისა და ტექნოლოგიის ფედერალური ინსტიტუტის (Eawag) მეცნიერებმა განაცხადეს, რომ 1850-იანი წლებიდან დღემდე ალპებში 1200 ახალი მყინვარული ტბა გაჩნდა.
ამავე დროს, 180 მათგანი ბოლო 10 წლის განმავლობაში ჩამოყალიბდა.
კლიმატის ცვლილების გამო, ალპების მყინვარები დნება.
2016 წელს შვეიცარიის მყინვარული ტბები 620 ჰექტარ ტერიტორიას ფარავდა. მათგან ყველაზე დიდი 40 ჰექტარი იყო. ყოველწლიურად საშუალოდ 18 ახალი ტბა ჩნდება, წყლის ზედაპირი ყოველწლიურად 150 ათასი კვადრატული მეტრით იზრდება.