გერმანელი, იტალიელი და პოლონელი არქეოლოგების ჯგუფმა სამხრეთ პოლონეთში, სტეინიას გამოქვაბულში ევრაზიის უძველესი სამკაული აღმოაჩინეს. ამის შესახებ გამოცემა Eurekalert წერს.
გამოცემის ცნობით, სპილოს ძვლის გულსაკიდი 41500 წლის წინ არის დამზადებული.
3D მოდელირების გამოყენებით მეცნიერებმა გულსაკიდის ვირტუალური რეკონსტრუქცია გააკეთეს. არქეოლოგების ახალი აღმოჩენა მიუთითებს იმაზე, რომ 415 საუკუნის წინ ადამიანები სამკაულებს მამონტის ეშვებისგან ამზადებდნენ.
„ეს დეკორაცია ასახავს ჰომო საპიენსის დიდ კრეატიულობას და არაჩვეულებრივ უნარებს. ფირფიტის სისქე დაახლოებით 3,7 მილიმეტრია, რაც მისი შექმნის გასაოცარ სიზუსტეზე მეტყველებს“, - განაცხადა ერთ-ერთმა მეცნიერმა ვროცლავის უნივერსიტეტიდან, ვიოლეტა ნოვაცევსკამ.