მაქს ვრედენბურგი აშშ-ს შტატ მასაჩუსეტიდან 10 წლის იყო, როდესაც ოკეანესთან მივიდა და წყალში ბოთლში მოთავსებული წერილი ჩააგდო. ამ წერილში ის თავის ასაკზე, ვაშლების, ლურჯი ფერის, ცხოველების, მანქანებისა და კოსმოსისადმი სიყვარულის შესახებ წერდა. ბოლოს მაქსმა სთხოვა მას, ვინც წერილს იპოვის, მისთვის პასუხი მიეწერა.
ამ ამბის შემდეგ 9 წელი გავიდა. მოულოდნელად 19 წლის მაქსმა საფრანგეთიდან გზავნილი მიიღო. მამაკაცმა, გვარად დუბუამ, მისი ბოთლი იპოვა და ავტორს უპასუხა.
ვრედენბურგი ამბობს, რომ გაკვირვებული იყო მანძილით, რომელიც ბოთლმა დაფარა. მას ძალიან გაუხარდა, რომ არა მხოლოდ წერილი ისევ ნახა, არამედ ახალი მეგობარიც შეიძინა.