დაივერებმა ახალი ზელანდიის სანაპიროსთან ვიდეოს გადაღებისას უჩვეულო ზღვის არსება შენიშნეს, რომელიც უზარმაზარ რვამეტრიან ჭიას წააგავს. ამის შესახებ საინფორმაციო სააგენტო BGR იუწყება.
ერთ-ერთი მყვინთავი, ვიდეოგრაფი სტივ ჰეთევეი მაშინვე მიხვდა, რომ საქმე ეგრეთ წოდებულ პიროსომასთან ჰქონდა, რომელიც ერთ გარსში მოქცეულ უვნებელი უხერხემლოების კოლონიას წარმოადგენს.
მიუხედავად იმისა, რომ ცალკეული ინდივიდების ზომა არ აღემატება რამდენიმე მილიმეტრს, მთელი კოლონიის სიგრძე რამდენიმე მეტრს აღწევს.