ელონ მასკის SpaceX დღეს თავის ერთ-ერთ რაკეტას გაანადგურებს. მიზანი ტესტის ჩატარებაა, რომლის მიხედვითაც დადგინდება, შეძლებს თუ არა ხომალდში ჩამონტაჟებული კაფსულა, ავარიის შემთხვევაში უსაფრთხოდ დააბრუნოს ეკიპაჟი დედამიწაზე .
პროექტი NASA-ს დაკვეთით ხორციელდება. ამერიკის კოსმოსურმა სააგენტომ SpaceX-ს კაფსულის სისტემის შესაქმნელად 2.5 მილიარდი აშშ დოლარი გამოუყო. კაფსულამ, რომელშიც 7 ადამიანის ადგილია, რაკეტისგან მოწყვეტა ბრძანებიდან ორ წუთში უნდა შეძლოს. მან 2400 კმ/სთ სიჩქარე უნდა განავითაროს.
ტესტი ოკეანის თავზე, 19 კილომეტრის სიმაღლეზე ჩატარდება.