ფილიპინების ქალაქ სებუში მოტოციკლისტი ჯონ კიამკო მოულოდნელი მოვლენის მომსწრე გახდა. ის ქალაქის ქუჩებში მოტოციკლეტით გადაადგილდებოდა, როდესაც მას თეთრმა კუბომ ჩაუქროლა.
კუბო-მობილს მამაკაცი მართავდა, რომელიც იღიმოდა და მოძრაობის სხვა მონაწილეებს ხელს უქნევდა.
ჯონმა მომხდარი ვიდეოზე გადაიღო და სოციალურ ქსელში ატვირთა. მან დაწერა, რომ ეს უცნაურად კი გამოიყურებოდა, მაგრამ კრეატიულმა მძღოლმა გამვლელები ძალიან გაახალისა.