მარსის ზედაპირი სიცოცხლისათვის საშიში რადიაციის კოლოსალურ რაოდენობას შეიცავს, მაგრამ პლანეტაზე არის ბუნებრივი თავშესაფრები-ბორცვები, რომლებსაც შეუძლიათ დაიცვან ადამიანი კოსმოსიდან მომავალი სიცოცხლისათვის საშიში მაღალი ენერგიის ნაწილაკების ზემოქმედებისგან. ამის შესახებ სამეცნიერო გამოცემა Science Alert იუწყება.
მარსის მეცნიერების ლაბორატორიის (MSL) Curiosity-ის მონაცემების გამოყენებით ჩატარებულმა ახალმა კვლევამ აჩვენა, რომ მარსის ბუნებრივი ლანდშაფტის თავისებურებებმა შეიძლება დაიცვას ადამიანი რადიაციისგან.
მარსის მეცნიერების ლაბორატორია პლანეტის ზედაპირზე 2012 წელს დაეშვა. იმ დროიდან იგი დაკავებულია რადიაციის დონის განსაზღვრითა და მასთან დაკავშირებული საფრთხეების ანალიზით.