აშშ-ში, ლოურენს ბერკლის ეროვნული ლაბორატორიის მეცნიერებმა „თხევადი“ რობოტები შექმნეს, რომლებიც ავტონომიურად და განუწყვეტლივ, ქიმიურ ხსნარში ნაწილობრივ ჩაძირულები მუშაობენ. Report.ge-ს ცნობით, ამის შესახებ გამოცემა Independent წერს.
Liquibot-ის ტექნოლოგია შეიძლება გამოყენებულ იქნას ადამიანის ორგანიზმში წამლების მიწოდებისთვის. თვითმოძრავი თხევადი რობოტი პატარა ღია ჩანთას ჰგავს, რომლის დიამეტრი მხოლოდ 2 მმ-ია.
"ჩვენ დავძლიეთ ბარიერი თხევადი რობოტული სისტემის შემუშავებაში, რომელსაც შეუძლია დამოუკიდებლად იმუშაოს. არ გვჭირდება რობოტებისთვის ელექტროენერგიის მიწოდება, რადგან ისინი ენერგიას ან „საჭმელს“ ქიმიურად გარემოდან იღებენ", - განაცხადა ბერკლის ლაბორატორიის მასალების მეცნიერების განყოფილები მკვლევარმა, ტომ რასელმა.
შემდგომ კვლევებში მეცნიერები შეაფასებენ, თუ როგორ შეიძლება ლიკვიბოტების გამოყენება სხვადასხვა ამოცანების შესასრულებლად.