აჭარაში 102 წლის ქალმა კორონავირუსის საწინააღმდეგო ვაქცინა გაიკეთა.
ბათუმის რესპუბლიკურ კლინიკურ საავადმყოფოში უხუცესი, ემინე ჯორბენაძე "ფაიზერის" პირველი დოზით აიცრა.
"პროცესმა ყოველგვარი გართულებების გარეშე ჩაიარა, ქალბატონი ემინე თავს კარგად გრძნობს. COVID-19 საწინააღმდეგო ვაქცინაცია მისი დაჟინებული თხოვნა იყო ოჯახის წევრებისა და საკუთარი თავის დასაცავად", - აღნიშნულია საავადმყოფოს გვერდზე გავრცელებულ ინფორმაციაში.