481 გარდაცვლილი და 7921 დაშავებული- ასეთია 2019 წელს საქართველოს გზებზე მომხდარი ავტოსაგზაო შემთხვევების სტატისტიკა. 2018 წლის მონაცემებთან შედარებით, გარდაცვლილთა რაოდენობა 22%-ით არის გაზრდილი.
შსს-ს ინფორმაციით, 2018 წელთან შედარებით შემცირებულია დაშავებულთა რიცხვი. 2018 წელს ავტოსაგზაო შემთხვევის შედეგად 9047 ადამიანი დაშავდა. გასულ წელს კი 7921.
დაშავებულთა რიცხვთან ერთად, შემცირებულია ავტოსაგზაო შემთხვევების სტატისტიკაც: 2019 წელს გზებზე 5839 ავტოავარია მოხდა, 2018 წელს კი ეს მაჩვენებელი 6452 იყო.