ბათუმში, აჭარის მთავრობის სახლთან მიმდინარე აქციაზე ხმაური იყო.
გაერთიანებული ოპოზიციის აქციაზე მისულმა ორმა მოქალაქემ აქციის მონაწილეებს სიტყვიერი შეურაცხყოფა მიაყენა.
ისინი საქართველოს მესამე პრეზიდენტს მიხეილ სააკაშვილსა და ,,ნაციონალური მოძრაობის" მხარდამჭერებს უცენზურო სიტყვებით მიმართავდნენ. რასაც აქციაზე დაპირისპირება მოჰყვა.
სამართალდამცავებმა ორივე მოქალაქე ადმინისტრაციული სამართალდარღვევისთვის, წვრილმანი ხულიგნობის მუხლით დააკავეს.
ცნობისთვის, აჭარის მთავრობის სახლთან, ოპოზიციის უწყვეტი საპროტესო აქციები მიმდინარეობს.