აჭარაში, ოჯახში ძალადობის ფაქტზე გამოძიება დაიწყო. არსებული ინფორმაციით, ხელვაჩაურის მუნიციპალიტეტში დედამ 9 წლის გოგონას სცემა.
როგორც report.ge-ს შინაგან საქმეთა სამინისტროში განუცხადეს, აღნიშნულთან დაკავშირებით, გამოძიება სსკ-ის 126-ე პრიმა მუხლის მეორე ნაწილის „ა“ ქვეპუნქტით დაიწყო, რაც წინასწარი შეცნობით არასრულწლოვნის მიმართ ჩადენილ ოჯახში ძალადობას გულისხმობს.
უწყების ცნობით, მომხდართან დაკავშირებით, ამ დროისათვის აქტიური საგამოძიებო მოქმედებები მიმდინარეობს.
სხვა დეტალები ამ დროისთვის უცნობია.