ბათუმში ახალგაზრდა კაცის ცხედარი იპოვეს. 25 წლამდე ასაკის მამაკაცს ოჯახის წევრები დილიდან ეძებდნენ.
მამაკაცმა გარდაცვალებამდე 6 საათით ადრე, სოციალურ ქსელში პოსტი გამოაქვეყნა, სადაც სათამაშო ბიზნესის აკრძალვას ითხოვდა. ფეისბუქის სტატუსში გარდაცვლილი ახლობლებსა და ოჯახის წევრებს ბოდიშს უხდის.
"აკრძალეთ ეგეთი კაზინოები, ჩვენთვის მაინც. გეყოფათ ფულის კეთება დრაგებით და ვითომ კურიერებით, რომლებსაც თქვენ თვითონაც იცნობთ და ბოლოს იჭერთ. ქენით ისე, რომ ცოტა ქვეყანა წინ წავიდეს და თქვენ ჯიბეზე 95% ფულის კეთებას მოეშვით,“ - წერია მამაკაცის მიერ გავრცელებულ facebook პოსტში.
report.ge შინაგან საქმეთა სამინისტროს დაუკავშირდა, უწყების პრესსამსახურის ინფორმაციით, მომხდარზე გამოძიება სისხლის სამართლის კოდექსის 115–ე მუხლით დაიწყო, რაც თვითმკვლელობამდე მიყვანას გულისხმობს.