ახალციხე–ასპინძის დამაკავშირებელ გზაზე ავტოსაგზაო შემთხვევა მოხდა. სატვირთო ავტომობილის მძღოლმა საჭე ვერ დაიმორჩილა და გრეიდერს შეეჯახა.
წინასწარი ინფორმაციით, ავტომობილი სველ ასფალტზე მოცურდა. შემთხვევის შედეგად არავინ დაშავებულა.
როგორც შინაგან საქმეთა სამინისტროში report.ge-ს განუცხადეს, საქმეზე მოკვლევა ადმინისტრაციული სამართალდარღვევით დაიწყო.