ალაზნის არხში ავტომობილი ჩავარდა - არის მსხვერპლი

ახმეტის მუნიციპალიტეტში, სოფელ საკობიანოსთან ავტოსაგზაო შემთხვევას ერთი ადამიანის სიცოცხლე ემსხვერპლა.

თვითმხილველების თქმით, გადაჭარბებული სიჩქარით მოძრავი მსუბუქი ავტომობილის მძღოლმა საჭე ვერ დაიმორჩილა და მდინარე ალაზნის არხში გადავარდა.

წყალში გადავარდნილი ავტომანქანიდან ერთმა მგზავრმა ვერ გამოაღწია და წყალში დაიხრჩო.

მძღოლმა და 6 წლის მოზარდმა არხიდან ამოსვლა უვნებლად მოახერხეს.