წყალტუბოს მუნიციპალიტეტის სოფელ ნამახვანის ტყეში გაჩენილი ხანძარი ლოკალიზებულია
ამის შესახებ ინფორმაციას საგანგებო სიატუაციების მართვის სამსახური ავრცელებს. მათივე ცნობით, წყალტუბოდან 30 კილომეტრის დაშორებით, სოფელ ნამოხვანთან არსებულ ტყის მასივში მეხანძრე-მაშველების უწყვეტი სამუშაოების შედეგად ცეცხლის ღია კერები აღარ აღინიშნება.
"სამუშაოებს რთული რელიეფი ართულებს. სალიკვიდაციო პროცესში ჩართულია იმერეთის მთავარი სამმართველოს 25 მეხანძრე-მაშველი, რომლებიც ხანძრის კერებთან მისასვლელად ფეხით დაახლოებით 10 კილომეტრ მანძილზე გადაადგილდებოდნენ."- აღნიშნავენ საგანგებო სამსახურში.
წყალტუბოს ტყეში ხანძარი 10 ნოემბერს გაჩნდა. ხანძრის გამომწვევ მიზეზს გამოძიება დაადგენს.