„შეერთებული შტატები ამაყობს, რომ COVAX-ისა ($4 მილიარდი) და UNICEF-ის უმსხვილესი დონორია“, - ამ სიტყვებით გამოეხმაურა ამერიკის საელჩო Pfizer-ის ვაქცინის შემოსვლას საქართველოში. დიპლომატიური წარმომადგენლობა აღნიშნავს, რომ ვაქცინები კვლავაც საუკეთესო საშუალებაა, რაც COVID-19-თან საბრძოლველად გვაქვს.
„სასიხარულოა იმის ნახვა, რომ ჩვენი ქართველი პარტნიორები და მეგობრები აგრძელებენ აცრის პროცესს. შეერთებული შტატები ამაყობს, რომ COVAX-ისა ($4 მილიარდი) და UNICEF-ის უმსხვილესი დონორია. ისინი ეხმარებიან ვაქცინების მიწოდებას მთელ მსოფლიოში, მათ შორის საქართველოში“, - აღნიშნულია საელჩოს ტექსტში.