ბათუმში, ავტოსაგზაო შემთხვევის შედეგად სამი ადამიანი დაშავდა. შემთხვევა ფრიდონ ხალვაშის ქუჩაზე ე.წ მეჯინის წყლის დასახლებასთან მოხდა, ერთმანეთს სამი ავტომობილი შეეჯახა. დაშავებულები სასწრაფო დახმარების სამსახურმა ბათუმის სხვადასხვა კლინიკაში გადაიყვანა.
ექიმების ინფორმაციით, ერთ-ერთი მამაკაცის ჯანმრთელობის მდგომარეობა შედარებით მძიმეა, მას სხეულზე მრავლობითი დაზიანებები აღენიშნება.
გამოძიება "სისხლის სამართლის კოდექსის" 276-ე მუხლის მეორე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს.