ბათუმში კორონავირუსით ექთანი დაინფიცრდა. ამის შესახებ განცხადება აჭარის მთავრობის თავმჯდომარემ თორნიკე რიჟვაძემ განაცხადა.
„სამწუხაროდ, დღეს გვაქვს სტაციონარში დაინფიცირების შემთხვევა, რომელიც უკავშირდება ექთანს. ფრონტის ხაზზე დგანან ჩვენი ექიმები, ექთნები, სასწრაფოს ბრიგადები, სამართალდამცველები. საჭიროა მოვუფრთხილდეთ ამ ადამიანებს და საფრთხე არ შევუქმნათ საზოგადოების სხვა წარმომადგენლებს“, -განაცხადა თორნიკე რიჟვაძემ.
შეგახსენებთ, რომ ქვეყანაში კორონავირუსით დაინფიცირების 103 შემთხვევაა რეგისტრირებული. გამოჯანმრთელდა 20 პაციენტი.