ბათუმში, ჯავახიშვილის ქუჩაზე მედებარე ერთ-ერთი 5-სართულიანი კორპუსიდან მოსახლეობის ევაკუაცია მიმდინარეობს.
ადგილობრივების თქმით, პირველ სართულზე დაზიანებულია საყრდენი კედლები. კორპუსის მცხოვრებლები ამბობენ, რომ ფაქტის დაფიქსირების შემდეგ შესაბამის სამსახურებს რამდენიმე დღის წინ მიმართეს.
ჩატარდა ექსპერტიზა, რომლის პასუხი 15-20 დღეში იქნება ცნობილი.
ექსპერტიზის დასკვნამდე ბათუმის მერიამ ჯავახიშვილის 47-ში მცხოვრებლებს ბინები დააცლევინა და დროებით საცხოვრებლებში გადაჰყავს.