ბათუმში კორონავირუსი ერთი ოჯახის წევრებს დაუდასტურდათ. ინფიცირებულია დედა და მისი 10 წლის შვილი. აჭარის ჯანდაცვის მინისტრის, ზაალ მიქელაძის განცხადებით ინფიცირებულები კარანტინში იმყოფებოდნენ. ორივე შემთხვევა იმპორტირებულია. დედა-შვილი 4 აპრილს საქართველოში თურქეთიდან შემოვიდა. დღეს მათ ტემპერატურის მატება დაუფიქსირდათ, რის გამოც მოხდა მათი გამოკვლევა.
შეგახსენებთ, რომ დღის მეორე ნახევარში კორონავირუსის 4 ახალი შემთხვევა დადასტურდა.