ტყიბულში, მეოთხე დღეა 200-მდე მეშახტე მუშაობაზე უარს ამბობს. ისინი კომპანიისგან სამუშაო პირობების გაუმჯობესებასა და განაცდური ხელფასის ანაზღაურებას ითხოვენ.
მათი თქმით, შახტში უსაფრთხოების ნორმები დაცული არ არის, რაც დასაქმებულების ჯანმრთელობასა და სიცოცხლეს საფრთხეს უქმნის.
გაფიცულების განცხადებით, თუ მათი მოთხოვნები არ დაკმაყოფილდება, პროტესტის უკიდურეს ფორმას მიმართავენ.