რუსთავის კულტურისა და დასვენების პარკში ეთნოფესტივალი იმართება. რუსთავქალაქობის დღესასწაულის ფარგლებში რუსთავი სხვადასხვა მუნიციპალიტეტის წარმომადგენლებს მასპინძლობს. ეთნოფესტივალზე მოწყობილია სპეციალური პავილიონები, სადაც გამოფენილია ხალხური რეწვის ნიმუშები და ეროვნული სამოსები.
ღონისძიება გუშინ გაიხსნა და სხვადასხვა მუსიკალურ და ქორეოგრაფიულ წარმოდგენებს მოიცავს. მას მხარისა და ქალაქის პირველი პირები ესწრებიან. ფესტივალის დასასრულს საპატიო რუსთაველსაც აირჩევენ.