ექსპერტი ჯანდაცვის საკითხებში, რესპუბლიკური საავადმყოფოს კლინიკური დირექტორი დევი ტაბიძე აცხადებს, რომ დღეს საქართველოში საგანგაშო მდგომარეობაა.
მისი თქმით, მოსახლეობამ არ გაითვალისწინა რეგულაციები, რამაც მძიმე შედეგებამდე მიგვიყვანა.
"დღევანდელი ეპიდსიტუაცია ნამდვილად არაა სახარბიელო და, შეიძლება ითქვას, საგანგაშოა.
ჩვენ არ გავითვალისწინეთ წარმატებული სიტუაცია. ყველაფერს ხაზი გადავუსვით.
ჩავთვალეთ, რომ ყველაფერი ძალიან კარგად არის, კოვიდი დავამარცხეთ და თავისუფლება, რომელიც ჩვენმა მოსახლეობამ მიიღო, ასე შემოგვიბრუნდა ეს ყველაფერი. მოდიფიცირებული ახალი ვირუსი, "დელტა" შტამი ძალიან სწრაფად ვრცელდება და ძალიან ცუდი შედეგები აქვს", - ამბობს დევი ტაბიძე.