დუშეთის მუნიციპალიტეტში მაშველებმა 21 წლის მამაკაცი 80 მეტრის სიღრმის ხევიდან ამოიყვანეს. სამაშველო ოპერაციაში პოლიცია და საგანგებო სიტუაციების მართვის სამსახურის თანამშრომლები იღებდნენ მონაწილეობას.
სოფელ ჭიჩოს მცხოვრები სახლიდან გასვლის შემდეგ დაიკარგა. მასთან ვერც ტელეფონით დაკავშირება ხერხდებოდა. მამაკაცი ხევში გადავარდნილი იპოვეს. ის უგონო მდგომარეობაში იყო, თუმცა სასიცოცხლო ნიშნები აღენიშნებოდა.
მამაკაცი სასწრაფო დახმარების ჯგუფმა სტაციონარში გადაიყვანა, სადაც შესაბამისი სამედიცინო დახმარება ჩაუტარდა.