ალერგოლოგ-იმუნოლოგი ბიძინა კულუმბეგოვი აცხადებს, რომ მისი სურვილია, საქართველოში მცხოვრებმა მილიონერებმა კორონავირუსის ვაქცინა შეიძინონ და ამით საკუთარ ქვეყანას საჩუქარი გაუკეთონ.
,,მე ერთხელ ვისურვე და კიდევ ერთხელ გავიმეორებ, ჩვენს ქვეყანაში არის არა ერთი მილიონერი მოქალაქე, რომელსაც შეეძლო ეს საჩუქარი გაეკეთებინა ქვეყნისთვის და ძალიან ბედნიერი ვიქნებოდი, რომ ერთი მილიონი დოზა თავისი კონტაქტებითა და ფინანსებით ქვეყნისთვის ეჩუქებინათ", - განაცხადა ბიძინა კულუმბეგოვმა გადაცემა "პოლიტმეტრში" კორონავირუსის საწინააღმდეგო ვაქცინაზე საუბრისას.