საქართველოს ფინანსთა მინისტრი ლაშა ხუციშვილი 5 მაისს კორონავირუსის საწინააღმდეგო ვაქცინით აიცრება. ამის შესახებ ინფორმაციას ფინანსთა სამინისტრო ავრცელებს.
"5 მაისს, 16:00 საათზე, ნიკოლოზ ყიფშიძის სახელობის ცენტრალურ საუნივერსიტეტო კლინიკაში (ყოფილი რესპუბლიკური საავადმყოფო) ფინანსთა მინისტრი ლაშა ხუციშვილი კორონავირუსის საწინააღმდეგო ვაქცინით აიცრება", - აღნიშნულია სამინისტროს ინფორმაციაში.
ცნობისთვის, ვაქცინაციის პროცესში მიმდინარე კვირიდან მთავრობისა და პარლამენტის წევრები ჩაერთვებიან.
5 მაისს, კორონავირუსის საწინააღმდეგო ვაქცინას გაიკეთებს შინაგან საქმეთა მინისტრი ვახტანგ გომელაურიც.
უწყებათაშორისი საკოორდინაციო საბჭოს გადაწყვეტილებით, ვაქცინაციის პროცესში პრიორიტეტულ ჯგუფებად განისაზღვრებიან ტურიზმის და ზოგადად, მასპინძლობის სექტორში დასაქმებული პირები, ასევე საზოგადოებრივი ტრანსპორტის მძღოლები, კონტროლიორები.