სოციალურ ქსელში დენდროლოგიურ პარკში გადაღებული ფოტო ვრცელდება, რომელშიც დანაგვიანებული გარემოა ასახული.
ფოტოს ფეისბუქგვერდი ,,გადარეული გურული" ავრცელებს. აღნიშნულმა ფაქტმა ინტერნეტმომხმარებლების არაერთგვაროვანი რეაქციები გამოიწვია. ნაწილი წერს, რომ ფაქტზე პასუხისმგებლობა პარკის დასუფთავების სამსახურმა უნდა აიღოს და დროულად უნდა მოხდეს ტერიტორიიდან ნაგვის გატანა.
ნაწილი კი, საზოგადოების დაუდევრობაზე მიუთითებს.
ცნობისთვის, დენდროლოგიური პარკი 15 ივლისს გაიხსნა.