დაავადებათა კონტროლის ეროვნული ცენტრის სტატისტიკის თანახმად, საქართველოში გრიპით დაინფიცირების შემთხვევები შემცირდა.
სტატისტიკის თანახმად, რომელიც გასული კვირის მონაცემებს ასახავს, ასი ათას ადამიანზე ვირუსის 172 შემთხვევა დაფიქსირდა, რაც წინა კვირასთან შედარებით 44 შემთხევით ნაკლებია.
რაც შეეხება ჰოსპიტალიზაციას, მთლიან მაჩვენებელში გრიპის ვირუსის ნიშნებით ჰოსპიტალიზაციაზე 28% მოდის, გასულ კვირას 30% იყო.
ცენტრის ინფორმაციით, გავრცელებულ ვირუსებს შორის აღინიშნება როგორც „ა“, ისე „ბე“ ვირუსის შემთხვევები.