თბილისის ინფექციურ საავადმყოფოში მოთავსებული 10 პაციენტის ტესტის პასუხი უარყოფითია. მათ კორონავირუსი არ დაუდასტურდათ. როგორც ინფექციური საავადმყოფოს სამედიცინო დირექტორმა მარინა ეზუგბაიამ განაცხადა, ამ დროისთვის კლინიკაში კიდევ 15 პაციენტის ტესტის პასუხებს ელოდებიან.
შეგახსენებთ, რომ ამ დროისთვის რეგისტრირებულია ლაბორატორიულად დადასტურებული კორონავირუსით დაავადების 40 შემთხვევა. მათგან ერთი პაციენტის მდგომარეობა კრიტიკულად მძიმეა.