ურეკში, სასტუმროში "4 ვილა" ხანძარი გაჩნდა.
როგორც report.ge-ს საგანგებო სიტუაციების მართვის სამსახურში განუცხადეს, მეხანძრე-მაშველებმა ხანძრის ლოკალიზება მოახდინეს.
უწყების პრესსამსახურის ცნობით, ცეცხლის გავრცელების საფრთხე არ არსებობს.
ადგილზე სახანძრო-სამაშველო სამსახურის 10 ეკიპაჟია მობილიზებული.
სასტუმროში მყოფი პირები მეხანძრე-მაშველებმა გამოიყვანეს.
ამ ეტაპზე არსებული ინფორმაციით, ხანძრის შედეგად არავინ დაშავებულა.