ხელვაჩაურში აქტიურად მიმდინარეობს გზების თოვლისგან გაწმენდის სამუშაოები. ამის შესახებ Report.ge-ს ხელვაჩაურის მუნიციპალიტეტიდან აცნობეს.
დილიდან მობილიზებულია სპეციალური ჯგუფები, მიმდინარეობს პრევენციული ღონისძიებების გატარება, სამუშაოებში ჯამში 13 ერთეული ტექნიკაა ჩართული.
უამინდობასთან დაკავშირებით, ხელვაჩაურის მუნიციპალიტეტში შექმნილი სტიქიასთან ბრძოლის შტაბი 24-საათიან რეჟიმში მუშაობს.
მოქალაქეებს შეუძლიათ საჭიროების შემთხვევაში დაუკავშირდნენ ნომრებზე: 595 00 46 35; 577 03 21 36