11 ახალი დადასტურებული შემთხვევიდან 8 არის საბურთალოს კლასტერიდან, სამი კი მარნეულის მუნიციპალიტეტის სოფელ მარეთიდან, - ამის შესახებ ჟურნალისტებს, თბილისის ინფექციური საავადმყოფოს სამედიცინო დირექტორმა განუცხადა.
მარინა ეზუგბაიას თქმით ახალი პაციენტების მდგომარეობა მსუბუქი სიმძიმისაა.
,,კლინიკაში 54 კოვიდდადასტურებული მკურნალობს. ჩვენ მივიღეთ 6 დადასტურებული შემთხვევა, სამი პაციენტი გვყავს მძიმე პნევმონიით, რომელთა მდგომარეობაც გაუმჯობესებულია, დანარჩენი პაციენტების მდგომარეობა უცვლელია. ძირითადად, საშუალო სიმძიმის პაციენტები გვყავს 50%, დანარჩენი გვყავს მსუბუქი სიმძიმით", - განაცხადა მარინა ეზუგბაიამ.
მისივე თქმით, ქვეყანაში კორონავირუსის ახალი კლასტერი არ არის.
რაც შეეხება ე.წ. საბურთალოს კლასტერს, ამ დროისთვის 23 კოვიდინფიცირებულია.
ბოლო მონაცემებით, საქართველოში კოვიდინფიცირებული 794 ადამიანია,მათგან 624 გამოჯანმრთელდა, 12 გარდაიცვალა.