საქართველოს ტერიტორიაზე, კორონავირუსის ახალი ტიპის (2019-nCoV) შემოტანის და გავრცელების თავიდან აცილების მიზნით, ჩინეთის სახალხო რესპუბლიკიდან ცოცხალი ცხოველების იმპორტი აიკრძალა. საქართველოში ჩინეთის სახალხო რესპუბლიკიდან დეკორატიული კუ და დეკორატიული თევზების იმპორტი ხორციელდებოდა.
როგორც გარემოსდაცვისა და სოფლის მეურნეობის სამინისტროში აცხადებენ, აკრძალვა ძალაში დარჩება იმ დრომდე სანამ ჯანმრთელობის მსოფლიო ორგანიზაცია (WHO) და ცხოველთა ჯანმრთელობის დაცვის საერთაშორისო ორგანიზაცია (OIE) ჩინეთს კორონავირუსისგან თავისუფალ ზონად გამოაცხადებენ.