ქუთაისის საერთაშორისო აეროპორტის კაფეში მოქალაქეს დაობებული ღვეზელი მიჰყიდეს.
ნინი ნაცვალაძე-გაბუნია აცხადებს, რომ ღვეზელი აეროპორტში არსებულ კაფე "მიმინო"-ში შეიძინა.
"ეს ღვეზელი ქუთაისის აეროპორტში კაფე “მიმინო”-ში შევიძინეთ. კარტოფილის ღვეზელი ფაქტობრივად ცალი თირკმლის ფასად დამიჯდა. უკვე გზაში ვართ და თბილისში მივდივართ, მირჩიეთ რა უნდა მოვიმოქმედოთ ასე დისტანციურად. არ მინდა, რომ შერჩეთ მიზანმიმართულად ადამიანების მოწამვლა",-აცხადებს მოქალაქე.
ქუთაისის საერთაშორისო აეროპორტის ადმინისტრაციაში აცხადებენ, რომ მომხდარით დაინტერესდებიან.