ქუთაისში ავარიის შედეგად 5 ავტომობილი დაზიანდა

ქუთაისში, ავტომშენებლის ქუჩაზე, ერთმანეთს ორი ავტომობილი შეეჯახა, რამაც კიდევ სამი ავტომობილის დაზიანება გამოიწვია.  

გზაჯვარედინიდან გამომავალი „ნისანის“ მარკის ავტომობილი ცენტრალურ გზაზე მოძრავ „მერსედესს“ დაეჯახა, რის შედეგადაც „მერსედესი“ დატრიალდა, შედეგად სამი ავტომობილი დააზიანა.

შემთხვევის შედეგად არავინ დაშავებულა. ადგილზე მობილიზებული იყო საპატრულო ეკიპაჟი.

როგორც report.ge-ს შინაგან საქმეთა სამინისტროში განუმარტეს, ფაქტზე გამოძიება 276-ე მუხლის მე-2 და მე-6 ნაწილით მიმდინარეობს.