ქუთაისის ახალ ინფექციურ საავადმყოფოში მოთავსებული 24 პაციენტიდან 3 გამოჯანმრთელდა, ისინი კლინიკას დღეს დატოვებენ.
ექიმების ინფორმაციით, დარჩენილი პაციენტების ჯანმრთელობის მდგომარეობა დამაკმაყოფილებელია და მათ გამოჯანმრთელებაზე ტესტი ეტაპობრივად ჩაუტარდებათ.
როგორც მთავრობის მიერ შექმნილ ვებგვერდზეა ასახული, ბოლო მონაცემებით საქართველოში კორონავირუსის დადასტურებული შემთხვევა 431-ს შეადგენს. მათ შორის გამოჯანმრთელებულია 114 ადამიანი. გარდაცვლილია - 5. კარანტინის რეჟიმში 5888 პირი რჩება. სტაციონარში მეთვალყურეობის ქვეშ 571 ადამიანი იმყოფება.