ქუთაისის ახალ ინფექციურ საავადმყოფოში 73 წლის კაცი, კორონავირუსისგან გამოჯანმრთელდა.
როგორც კლინიკაში აცხადებენ, პაციენტს სიმსივნური დაავადება აქვს და COVID-19 -ით ის დაახლოებიც 20 დღის წინ მოათავსეს საავადმყოფოში.
კორონავირუსისგან გამოჯანმრთელებული კლინიკას ხვალ დატოვებს.
ამ დროისათვის, საავადმყოფოში კორონავირუსის დიაგნოზით 24 პაციენტი მკურნალობს. აქედან 4 პაციენტის ჯანმრთელობის მდგომარეობა საშუალო სიმძიმისაა.
შეგახსენებთ, საქართველოში კორონავირუსი 408 ადამიანს დაუდასტურდა, აქედან 97 უკვე გამოჯანმრთელდა, 4 კი გარდაიცვალა.
საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას. კარანტინის რეჟიმში - 4816 ადამიანი იმყოფება, ხოლო სტაციონარში მეთვალყურეობის ქვეშ - 571.