ზემოფონიჭალაში მცხოვრებმა ბერმა ნიკოლოზმა მრევლს 100 ლარიანები დაურიგა. ვიდეო სოციალურ ქსელში გავრცელდა.
ბერი ნიკოლოზი, იგივე ნარიმან მაქარაშვილი საქართველოს საპატრიარქოს კანონიკურ მორჩილებაში არ იმყოფება და არც მღვდელმოქმედებას ასრულებს. მიუხედავად ამისა, მრევლი მის ფანჯრებთან მაინც იკრიბება და უმღერის. მოქალაქეები მის ფანჯრებთან ლოცულობენ და უგალობენ. მათ სჯერათ, რომ ბერი ნიკოლოზი სასწაულმოქმედია.