მაშველები მდინარე არაგვისა და მტკვრის შესართავთან 31 წლის ქალს ამ დრომდე ეძებენ.
სავარაუდოდ, საუბარია თვითმკვლელობაზე.
არსებული ინფორმაციით, ქალმა გამოსამშვიდობებელი წერილი ავტომობილში დატოვა.
როგორც Report.ge-ს საგანგებო სიტუაციების მართვის სამსახურში განუცხადეს, მდინარე არაგვისა და მტკვრის შესართავთან დილის 06:30-დან სამძებრო სამუშაოები განახლდა.
ამ დროისთვის წყალში 3 სამაშველო ნავია შესული და 15 მაშველი, რომლებიც აქტიურად არიან ჩართულები სამძებრო სამუშაოებში.
მომხდარზე, ამ ეტაპისთვის გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
ცნობისთვის, მაშველები მცხეთაში გაუჩინარებულ ქალს მეორე დღეა ეძებენ.