მეტროსადგურ "დელისთან" მეტროს მემანქანეებმა საპროტესტო აქცია გამართეს. აქციის მონაწილეები პანდემიის პერიოდში ხელფასების სრულად ჩარიცხვას მოითხოვენ.
მათი განცხადებით, მემანქანეებს პანდემიის პერიოდში ხელმძღვანელები დაპირდნენ, რომ ხელფასს სრულად ჩაურიცხავდნენ, თუმცა დაპირების მიუხედავად ხელფასები დანაკლისით ჩაერიცხათ.
მათი განმარტებით, თითო მემანქანეს საშუალოდ 400 ლარი დააკლდა, ხოლო მათ, ვისაც საგანგებო მდგომარეობის დასრულების შემდეგ ხელფასი სრულად ჩაერიცხა, თანხა უკან ჩამოაჭრეს.