ხმაური და დაპირისპირება იყო ჭყონდიდის ეპარქიაში.
მეუფე სტეფანეს სალხინოში, მაცხოვრის მიძინების ტაძრის კარი ჩაუკეტეს.
სასულიერო პირების ნაწილმა, მეუფე სტეფანეს უფლება არ მისცა ტაძარში შესულიყო და ლოცვა-წირვა აღევლინა.
მოგვიანებით, მეუფემ და მისმა გარემოცვამ გადაწყვიტა ეზოში ეგალობათ, თუმცა მათ მიმდებარე ტერიტორია მალევე დატოვეს.
მაღალი რანგის სასულიერო პირს სწორედ ის მამაოები დაუპირისპირდნენ, რომლებიც მეუფე სტეფანემ რამდენიმე კვირის წინ ტაძრიდან განკვეთა.