ნუცუბიძის რაიონის 800-მდე აბონენტს გაზმომარაგება შეუწყდა. "თბილისი ენერჯის" ინფორმაციით მიზეზი გაზსადენის დაზიანება გახდა.
გაზმომარაგება 17:00 საათიდან ეტაპობრივად აღდგება.
„ერთ-ერთმა სამშენებლო კომპანიამ სამუშაოების წარმოებისას საშუალო წნევის გაზსადენი დააზიანა, რის გამოც გაზის მიწოდება 800–მდე აბონენტს ავარიულად შეუწყდა. „თბილისი ენერჯის“ სპეციალისტები აქტიურად მუშაობენ შემთხვევის ადგილზე დაზიანებული მილის აღსადგენად“, - აცხადებენ კომპანიაში.
„თბილისი ენერჯი“ ბოდიშს უხდის აბონენტებს მისგან დამოუკიდებელი მიზეზებით შექმნილი დისკომფორტის გამო.