23 წლის ქალის მდგომარეობა, რომელიც ბენზინის აალების შედეგად მიღებული დამწვრობით კლინიკაშია მოთავსებული, მძიმეა.
როგორც report.ge-ს ხეჩინაშვილის სახელობის კლინიკის დამწვრობის ცენტრის ხელმძღვანელმა გუგა ქაშიბაძემ განუცხადა, ახალგაზრდა სხეულის 37%-იანი დამწვრობით კლინიკაში დღეს, გამთენიისას შეიყვანეს.
,,გამთენისას შემოიყვანეს, მოთავსებულია დამწვრობის ცენტრის რეანიმაციის განყოფილებაში. მიღებული აქვს სხეულის თერმული დამწვრობა 37%, მეორე-მესამე ხარისხის. ძირითადად, დაზიანებულია ორივე წვივი და ორივე ბარძაყი ცირკულარულად. ტრავმა აქვს მიღებული ბენზინის ალით და იმყოფება დამწვრობითი შოკის მდგომარეობაში", - განუცხადა report.ge-ს გუგა ქაშიბაძემ.
ცნობითვის, აღნიშნულთან დაკავშირებით, განზრახ მკვლელობის მცდელობის ბრალდებით თბილისში ახალგაზრდა კაცი დააკავეს.
შსს-ს ცნობით, დაკავებული დანაშაულს აღიარებს.
ფაქტზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს.
დაკავებულს 7-დან 15 წლამდე პატიმრობა ემუქრება.