გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 298 ადამიანს ჩაუტარდა, მათგან ვირუსი 18-ს დაუდასტურდა. კორონავირუსით კიდევ სამი პაციენტი გარდაიცვალა.
ე.წ. ჯანდაცვის სამინისტროს ინფორმაციით, ექვს კოვიდცენტრში 198 კოვიდინფიცირებული პაციენტი მკურნალობს, მათგან 28-ის მდგომარეობა მძიმეა.
პანდემიის დაწყებიდან დღემდე, ოკუპირებულ აფხაზეთში კორონავირუსით ინფიცირების 11 818 შემთხვევაა გამოვლენილი, მათგან 10 756 პაციენტი გამოჯანმრთელდა, 184 გარდაიცვალა.